- პირველი დეკემბრიდან დადიანების მუზეუმში საგანმანათლებლო პროგრამა – ”შობა-ახალი წლის ტრადიციები” იწყება.
დადიანების სასახლის ადმინისტრაცის ინფორმაციით, მონაწილეებს გიდის თანხლებით ჩაუტარდებათ ექსკურსია მუზეუმში და გაეცნობიან დადიანების უნიკალურ კოლექციას.
“პრეზენტაციის თემა- როგორ ხვდებოდნენ საქართველოს სხავადასხვა კუთხეში შობა-ახალ წელს და რამდენად მრავალფეროვანი ტრადიციები ჰქონდათ ქართველებს. პრაქტიკული ნაწილი მოიცავს გონების სავარჯიშო სახალისო დეტალებს. წარმოდგენილი სამუშაო მასალის საშუალებით, ბავშვები საკუთარი ფანტაზიით შექმნიან საახალწლო დეკორაციებს. მონაწილეობის მისაღებად აუცილებელია წინასწარი რეგისტრაცია. პროგრამები განკუთვნილია სკოლის ასაკის მოსწავლეთათვის. (1 კლასიდან მე-6 კლასის ჩათვლით). პროგრამის ღირებულება 7 ლარი. “-აღნიშნულია ინფორმაციაში.
