მინისტრი: “პირბადეს თუ არ ვატარებთ, არ დავიცავთ დისტანციას, შეიძლება, სექტემბერში სწავლის დაწყებას რისკი შეექმნას”

• ჩვენი ქცევა თუ იქნება ისეთი, როგორიც დღეს არის, შეიძლება, სექტემბერში სწავლის დაწყებას რისკი შეექმნას, – ამის შესახებ ჯანდაცვის მინისტრმა, ეკატერინე ტიკარაძემ საკოორდინაციო სხდომის შემდეგ განაცხადა.

“ამ ეტაპზე სწავლასთან დაკავშირებით ცვლილებებს არ ვგეგმავთ. მნიშვნელოვანია, მოქალაქეებმა გაითვალისწინონ, რომ ეს ყოველივე დამოკიდებულია ჩვენს ქცევაზე. დღეს არ ვატარებთ ნიღბებს, არ არის სოციალური დისტანცირება, ეს, რა თქმა უნდა, მიგვიყვანს იმ გადაწყვეტილებაზე, რომ შეიძლება, სექტემბერში სწავლის დაწყების რისკი შეიქმნას. სწორედ აქედან გამომდინარე, ჩვენი მოქალაქეების სრული მობილიზაციაა ძალიან მნიშვნელოვანი, რომ ჩვენს ბავშვებს მიეცეთ საშუალება, უსაფრთხო სკოლებში, “კოვიდისგან” თავისუფალ გარემოში მიიღონ განათლება”, – განაცხადა ეკატერინე ტიკარაძემ.