- ინფრასტრუქტურის სამინისტროს მუნიციპალური განვითარების ფონდი გეგმავს ზუგდიდის მუნიციპალიტეტის სოფელ შამგონას 300 მოსწავლეზე გათვლილი სკოლის და 250 მოსწავლეზე გათვლილი მესტიის №1 სკოლის რეაბილიტაციას.
გამოცხადებული ტენდერების პირობების თანახმად, პროექტების ფარგლებში უნდა მომზადდეს საჯარო სკოლები განახლების გეგმები, რაც ითვალისწინებს შენობების სრულ რეაბილიტაციას და საჭიროების შემთხვევაში, გამაგრებას.
მუნიციპალური ფონდის ინფორმაციით, საჯარო სკოლების განახლების სამუშაოები მოიცავს შენობების ძირითადი ინფრასტრუქტურის მოწესრიგებას, მათ შორის, სკოლების ადაპტირებას თანამედროვე სასწავლო პროცესის საჭიროებებზე, სასწავლო და ადმინისტრაციული სივრცეების რეაბილიტაციას, ტერიტორიების კეთილმოწყობას, საინჟინრო კომუნიკაციების გაუმჯობესებას და უსაფრთხოების ნორმების დაცვას.
