- თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსის 182 ახალი შემთხვევიდან 129 აჭარაში დადასტურდა.
“დაგვემატა 182 ახალი შემთხვევა და ჯამში გვაქვს 3119 დადასტურებული შემთხვევა. ამ 182 დადასტურებული შემთხვევიდან, აჭარაში არის – 129 შემთხვევა, აქედან ბათუმი – 114, ქობულეთი – 11, 3 – ქედაში, 1 – შუახევში. თბილისში არის 34 დადასტურებული შემთხვევა, იმერეთში – 11, ქვემო ქართლი – რუსთავში – 4, გურიაში – 3, კახეთში – 1. გამოჯანმრთელებულების რიცხვის მხოლოდ 13-ით გაიზარდა და 1435 გახდა”, – განაცხადა მარინა ეზუგბაიამ.
ინფორმაციისთვის, დღეს, საქართველოში კორონავირუსის 182 შემთხვევა გამოვლინდა.
