- ამერიკის ელჩი საქართველოში, კელი დეგნანი საქართველოს დიპლომატიური ურთიერთობის 30 წლის იუბილესთან დაკავშირებით შოთა მესხიას ზუგდიდის სახელმწიფო სასწავლო უნივერსიტეტს სტუმრობდა.
შეხვედრაზე უნივერსიტეტის რექტორმა, პროფესორმა თეონა ხუფენიამ ისაუბრა უნივერსიტეტის როლსა და მისიაზე რეგიონში, განსაკუთრებით ხაზი გაესვა ოკუპირებული ტერიტორიიდან (აფხაზეთის) სტუდენტების მხარდაჭერის მექანიზმებს.
რექტორმა მიმოიხილა ამერიკის საელჩოს მიერ განხორციელებული პროექტები და მადლიერება გამოხატა ამერიკის საელჩოსა და ზოგადად, ამერიკელი ხალხის მიმართ.
ელჩმა საკუთარ გამოსვლაში ისაუბრა ორი ქვეყნის მყარ და პარტნიორულ ურთიერთობებზე, სამომავლო თანამშრომლობაზე უნივერსიტეტებთან და კოლეჯებთან.
ინფორმაციისთვის: ზუგდიდის სახელმწიფო უნივერსიტეტსა და აშშ-ის საელჩოს შორის თანამშრომლობა წლებია ხორციელდება.
