- ზუგდიდისა და ცაიშის ეპარქიის მდივანი, მამა დიმიტრი ვეკუა ფეისბუქის საკუთარ გვერდზე ინფორმაციას ავრცელებს ზუგდიდის ცენტრალურ მოედანზე ყოვლადწმინდა ღვთისმშობლის მოზაიკური ფრესკის მაკეტის განთავსებასთან დაკავშირებით:
“ზუგდიდის მოსწავლე-ახალგაზრდობის განვითარების სასახლეში, გაიმართება ღმრთისმშობლის საფარველის მოზაიკური ხატის პროექტის პრეზენტაცია და მისი თავისუფლების მოედანზე აღმართვასთან დაკავშირებული საჯარო განხილვა. ყველა დაინტერესებულ მხარეს ექნება საკუთარი აზრის დაფიქსირების საშუალება. იმედი გვაქვს, რომ ზუგდიდის საზოგადოება შეუერთდება ეპარქიის იერარქთა მხრიდან გამოთქმულ სურვილს და საბოლოოდ მიღებულ იქნება ერთსულოვანი გადაწყვეტილება”.-ნათქვამია განცხადებაში.
შეხვედრა ზუგდიდის მოსწავლე-ახალგაზრდობის განვითარების სასახლეში, 20 თებერვალს, 18:00 საათზე გაიმართება.