- დღეს, 7 იანვარს, ქრისტეს შობის დღესასწაულთან დაკავშირებით, ზუგდიდში, საშობაო ალილოს მსვლელობა გაიმართა.
ტრადიციული ალილოს მსვლელობა ვლაქერნის ყოვლადწმინდა ღვთისმშობლის ხატის სახელობის ტაძრიდან დაიწყო და ზუგდიდის ივერიის ყოვლაწმინდა ღვთისმშობლის სახელობის მშენებარე საკათედრო ტაძარში დასრულდა, სადაც საზეიმო პარაკლისი აღევლინა.
საშობაო ალილოში, სადაც ქველმოქმედების მიზნით სხვადასხვა სახის ნივთები და საკვები პროდუქტები გროვდება, მონაწილეობის მიღება შეეძლო ნებისმიერ მსურველს.