- დღეს, ზუგდიდის მუნიციპალიტეტის საკრებულოს სხდომაზე მიღებული გადაწყვეტილებით შემცირდა საკრებულოს ადმინისტრაციული ხარჯები.
ზუგდიდის მუნიციპალიტეტის საკრებულოს ინფორმაციით, თანამდებობის პირებს გაუუქმდათ სატელეფონო მომსახურების ხარჯები, რამაც შეადგინა 4800 ლარი. ასევე შემცირდა საწვავის ხარჯვის ლიმიტები თანამდებობის პირებისთვის და საკრებულოს აპარატისთვის. შემცირების შედეგად მიღებულმა ეკონომიამ 29 232 ლარი შეადგინა.
ჯამში ზუგდიდის მუნიციპალიტეტის საკრებულომ ადმინისტრაციული ხარჯები შეამცირა 34 032 ლარით.