ვლაქერნობა ზუგდიდში

• 15 ივლისი ვლაქერნის ღვთისმშობლის სახელობის ხატის დღეა, ეს დღე განსაკუთრებით აღინიშნება ზუგდიდში, სადაც დაბრძანებულია ღვთისმშობლის კვართი.

პანდემიამ ხელი შეუშალა მსოფლიოს სხვადასხვა ქალაქიდან დიდი რაოდენობით მომლოცველის ზუგდიდში ჩამოსვლას, მაგრამ მაინც საკმაოდ ხალხმრავალი იყო ის პროცესია, რომელმაც ზუგდიდის ისტორიული მუზეუმიდან ივერიის ღვთისმშობლის მშენებარე ტაძარში გადააბრძანა ღვთისმშობლის შესამოსელი.

როგორც ზუგდიდისა და ცაიშის ეპარქია იუწყება, კვართი დღის ბოლომდე დარჩება ტაძარში და ნებისმიერ მსურველს შეეძლება მისი მოლოცვა.