- ზუგდიდის მუნიციპალიტეტის საჯარო სკოლების, საბიუჯეტო ქსელის სახელოვნებო სკოლების, სახელმწიფო ბაღების თანამშრომლების, აკრედიტირებული სახელმწიფო უმაღლესი სასწავლო უნივერსიტეტის სტუდენტების და პროფესორ-მასწავლებლების, უფასო მუნიციპალური ტრანსპორტის სამგავრო ბარათებს ვადა ამოეწურათ.
ზუგდიდის მუნიციპალიტეტის მერიის განათლების, ძეგლთა დაცვის კულტურის, სპორტისა და ახალგაზრდულ საქმეთა სამსახურის განათლების განყოფილების უფროსმა გიგლა სულამანიძემ, “ზუგდიდელებთან” საუბარში აღნიშნა, რომ პროგრამა ახალ წლამდე გრძელდებოდა. “ძველ ბარათებს ვადა ჰქონდა 2019 წლის 31 დეკემბრამდე. შეიქმნება საინიციატივო ჯგუფი, რომელიც იმუშავებს ამ თემაზე. სხდომა ჩატარდება უახლოეს ხანებში.”
ადრე, პროგრამით, სარგებლობდა 3598 ადამიანი.