24 მაისს, ზუგდიდში, გაიმართება ოლიმპიადა “შერლოკის” ნახევარფინალი. შემეცნებითი, საინტერესო, სახალისო სასკოლო ოლიმპიადა ბრიტანული ხარისხითა და ყველაზე გამჭრიახი ლიტერატურული პერსონაჟით – “შერლოკი” საქართველოშია! ბრენდის სახელი მოიცავს მისიას, მიზნებსა და ამოცანებს, რომელიც ახალგაზრდა თაობის ინტერესებსა და მოთხოვნილებებს სრულად ასახავს. “შერლოკი“ აძლევს საშუალებას ყველა მოსწავლეს მთელი ქვეყნის მასშტაბით გამოცადოს თავისი შესაძლებლობები, მიიღოს ახალი გამოწვევები, გახადოს მისი წარმატება საჯარო, იყოს გამორჩეული და რაც მთავარია გამჭრიახი.-დაახლოებით ასე აღწერს მოსწავლეებში უკვე საკმაოდ პოპულარული ოლიმპიადა “შერლოკი” თავისი საქმიანობის არსს. ამ დღეებში, “შერლოკმა” “ზუგდიდელებს” გამოუგზავნა იმ ზუგდიდელების სია, სადაც ყველაზე გამჭრიახი “შერლოკელები” მოხვდნენ.