- მძიმე საყოფაცხოვრებო პირობების მქონე ოჯახებისთვის საცხოვრებელი სახლების მშენებლობაზე განცხადებების მიღება 1 აპრილიდან დაიწყო და 25 აპრილამდე გაგრძელდება.
- ბენეფიციარმა უნდა წარმოადგინოს: განმცხადებლისა და მისი ოჯახის წევრთა პირადობის მოწმობის ასლები, ოჯახის არასრულწლოვანი წევრების დაბადების მოწმობის ასლები, სპეციალური სტატუსისა და კატეგორიის დამადასტურებელი მოწმობა, ამონაწერი საჯარო რეესტრიდან მიწის საკუთრების შესახებ, ცნობა საჯარო რეესტრიდან მიწის ნაკვეთის გარდა უძრავი ქონების არარსებობის შესახებ და ადმინისტრაციულ ერთეულში მერის წარმომადგენლის წერილი.
ზუგდიდის მუნიციპალიტეტის მერიის სოციალური და ჯანდაცვის სამსახურის განყოფილების მთავარმა სპეციალისტმა თამარ ზარქუამ გვითხრა, რომ ამ ეტაპისთვის, მძიმე საყოფაცხოვრებო პირობების მქონე ოჯახებისთვის საცხოვრებელი სახლების მსურველთა დაახლოებით 105 განცხადება არის შემოსული. “65 განცახდება არის მშენებლობაზე შემოსული, 40–მდე განცხადებაა “თბილი ოთახის” მიღების თხოვნით. განცხადებების მიღება გაგრძელდება 25 აპრილამდე. მაისის თვეში მოხდება განმცხადებელი ოჯახების ადგილზე შემოწმება და მატი მდგომარეობის ადგილზე შესწავლა. სავარაუდოდ, მაისის თვეში მორჩება გადამოწმება. შემდეგ, შედგება კომისიის სხდომა, სადაც ქულებით მოხდება ბენეფიციარების შეფასება. რაც შეეხება კომისიას, შედგება 33 წევრისგან. კომისიის თითოეული წევრი დამოუკიდებლად აფასებს ამ ოჯახების მდგომარეობას. კომისიის შემადგენლობაში არიან: ადგილობრივი თვითმმართველობის, არასამთავრობო ორგანიზაციების და საკრებულოს წარმომადგენლები”.
კითხვაზე რა კრიტერიმებით ფასდებიან ბენეფიციარები, თამარ ზარქუამ გვითხრა, იმის მიხედვით, თუ რა მდომარეობა, საცხოვრებელი პირობები აქვთ ადამიანებს, ვინც ჩვენგან დახმარებას ითხოვს და განცხადებიტ მოგვმართა. უპირატესობა ენიჭება ისეთ ოჯახებს, ვისაც მცირეწლოვანი და არასრულწოვანი ბავშვები ჰყავთ.
თამარ ზარქუა ამბობს, რომ პროექტი, ზუგდიდის მუნიციპალიტეტში 2015 წლიდან მიმდინარეობს. პროექტის ფარგლებში, 91 სახლი და 30″თბილი ოთახი” აშენდა.