ივერიის ყოვლადწმიდა ღვთისმშობლის მშენებარე ტაძარში დაბრძანებული ღვთისმშობლის კვართის მოლოცვა ზუგდიდში ჩამოსულ სტუმრებს და ადგილობრივ მრევლს, შეუძლიათ საღამოს 20:00 საათამდე. მაგრამ, როგორც პრესსამსახურმა გვაცნობა, მოლოცვა გაგრძელდება, მანამ, სანამ ხალხის ნაკადი არ შეწყდება.
“მუზეუმთან დადელებული ხელშეკრულებით, კვართი მშენებარე ტაძარში დარჩება საღამოს 20:00-საათამდე, მაგრამ თუ ამ დროისათვის არ შეწყდა მისი მოლოცვის მსურველთა რაოდენობა, მისი ტაძარში ყოფნის დრო გახანგრძლივდება და არავინ დარჩება ისე, რომ ვერ შესძლოს ხატის მთხვევა.”-განმარტა ჩვენთან საუბარში მამა გიორგი ქავთარაძემ.
კვართი უკვე მოილოცეს პრემიერ მინისტრმა და კულტურის მინისტრმა.
დღეს ქრისტიანული საზოგადოება ვლაქერნობას — ანუ ვლაქერნის ღვთისმშობლის ხატის დღეს აღნიშნავს. ზუგდიდელებისათვის ეს დღე განსაკუთრებულად მნიშვნელოვანია, რადგან ზუგდიდის დადიანების კარის ეკლესია, სწორედ ვლაქერნის ღვთისმშობლის ხატის სახელობისაა. იმავდროულად, ზუგდიდის მუზეუმში დაბრძანებულია ღვთისმშობლის კვართი, რომელსაც ტრადიციულად, ვლაქერნობას გამოაბრძმოსალოცად.