- ზუგდიდში, სამოქალაქო ბიუჯეტის ფარგლებში, 12 სკვერის მოწყობა იგეგმება.
ზუგდიდის მუნიციპალიტეტის მერიის ინფორმაციით, სამუშაოებზე ტენდერი გამოცხადებულია და მისი ღირებულება ნახევარ მილიონ ლარზე მეტია.
დაგეგმილია შემდეგი სამუშაოების განხორციელება:
ბესარიონ ჯანაშიას ქუჩა N10ა-ში, მრავალბინიანი კორპუსის შიდა ეზოს კეთილმოწყობა;
მაცხოვრისკარის ადმინისტრაციულ ერთეულში, გორის ქუჩაზე მინი სტადიონის მოწყობა;
ჯანაშიას ქუჩა N12-ში ეთნოკულტურული პარკის მოწყობა;
თამარ მეფისა და გორგასლის ქუჩების კვეთაზე სკვერის მოწყობა;
თბილისისა და შოთა რუსთაველის ქუჩების კვეთაზე არსებული სკვერის რეაბილიტაცია;
ჯორჯიაშვილის ქუჩა N1-ში, ბავშვთა გასართობი მოედნის მოწყობა;
ბარამიას ქ. N7-ში, N5 კორპუსის სპორტული სატრენაჟორო-სავარჯიშო კომპლექსის მოწყობა;
თაბუკაშვილის ქ. N4-ში მდებარე საბავშვო სათამაშო გასართობი მოედნის რეაბილიტაცია;
ლაზის ქუჩის მონაკვეთზე გამწვანების მოწყობა;
ბესარიონ ჯანაშიას ქუჩის N10-ში, მრავალბინიანი საცხოვრებელი კორპუსის შიდა ეზოს კეთილმოწყობა;
სოხუმის და პუშკინის ქუჩების კვეთაზე არსებული სკვერის რეაბილიტაცია;
თავისუფლების ქუჩა N5-ში, ბავშვთა გასართობი მოედნის მოწყობა;
სამოქალაქო ბიუჯეტი ზუგდიდის მუნიციპალიტეტში 2019 წელს დაინერგა.