- დღეს, ზუგდიდში, ჟურნალისტებმა აქცია გამართეს. მედიასაშუალებების წარმომადგენლებმა ამ ფორმით სოლიდარობა გამოუცხადეს აქციებზე დაშავებულ კოლეგებს და ჟურნალისტებზე განხორციელებული ძალადობა დაგმეს.
ზუგდიდელ ჟურნალისტებს ხელში ეკავათ დაშავებული ჟურნალისტების ფოტოები. დაშავებული ჟურნალისტებიდან ერთ-ერთი, “ფორმულას” ჟურნალისტი, გურამ როგავა არის წარმოშობით ზუგდიდელი.
ინფორმაციისთვის: ათასობით დემონსტრანტი რუსთაველის გამზირზე პარლამენტის წინ, 28 ნოემბრიდან აპროტესტებს მთავრობის გადაწყვეტილებას, 2028 წლის ბოლომდე დღის წესრიგში არ დააყენონ ევროკავშირში გაწევრების მოლაპარაკების გახსნის საკითხი.
