- ზუგდიდის მუნიციპალიტეტის ააიპ “ზუგდიდდასუფთავების ცენტრი”-ს ზედამხედველობის ჯგუფის წევრებმა ქალაქის ტერიტორიაზე ჰაერის დაბინძურებისთვის 7 სამართალდამრღვევი პირი გამოავლინეს.
უწყების ცნობით, გარემოს (ჰაერის) დანაგვიანებისათვის თითოეული მათგანი 35-ე მუხლის 1 ნაწილის შესაბამისად 500 ლარით დაჯარიმდა, რაც ითვალისწინებს მუნიციპალური არასახიფათო ნარჩენების ღია წესით დაწვას, რომელიც იწვევს ჰაერის მავნე ნივთიერებებით დაბინძურებას.
ააიპ “ზუგდიდდასუფთავების ცენტრი”-ს ზედამხედველობის ჯგუფი ყველა ფიზიკურ და იურიდიულ პირს მოუწოდებს, თავი შეიკავონ სამშენებლო, ინერტული და სხვა სახის ნარჩენების თვითნებურად დაყრისაგან, ჰაერის დაბინძურებისაგან და მიუთითებს, რომ აღნიშნული ნარჩენები მუნიციპალიტეტის მიერ სპეციალურად გამოყოფილ, ნებადართულ ადგილებში და ტერიტორიებზე განათავსონ.
წინააღმდეგ შემთხვევაში, ყველა სამართალდამრღვევი პირის მიმართ განხორციელდება ადმინისრაციულ-სამართლებრივი ღონისძიებები.
