- ზუგდიდელი გურამ ვეკუა მსოფლიოს ვიცე ჩემპიონ-პრიზიორია. ძალოსანმა აკვრაში ვერცხლი, ორჭიდში კი ბრინჯაო მოიპოვა.
საქართველოს ძალოსნობის ეროვნული ფედერაციის ინფორმაციით, ესპანეთში მიმდინარე U20 ძალოსანთა მსოფლიო ჩემპიონატზე ვაჟთა ნაკრების მთავარი მწვრთნელის მალხაზ ლომთაძის ხელმძღვანელობით, გურამ ვეკუამ (109 კგ.) იასპარეზა. ძალოსანმა ატაცში 156 / 159 / 162 კგ. დაძლია და მე-4 ადგილზეა.
გურამ ვეკუამ აკვრაში დაძლეული 195 / 200 კილოგრამით ვერცხლის მედალს დაეუფლა და ვიცე-ჩემპიონობა იზეიმა, ხოლო ორჭიდში მოგროვილი 362 კილოგრამით კი ბრინჯაოს მედალი მოიპოვა.
