- დღეს, პრემიერ-მინისტრმა, ირაკლი კობახიძემ შოთა მესხიას სახელობის ზუგდიდის სახელმწიფო უნივერსიტეტის ახალი სასწავლო კორპუსი გახსნა.
250 სტუდენტზე გათვლილი ახალი სასწავლო კორპუსი, თანამედროვე სტანდარტების შესაბამის სასწავლო სივრცეებს – აუდიტორიებსა და ლაბორატორიებს მოიცავს.
ახალი სასწავლო კორპუსის მშენებლობა განათლების, მეცნიერებისა და ახალგაზრდობის სამინისტროს დაფინანსებით განხორციელდა. პროექტის ღირებულებამ 1 749 770 ლარი შეადგინა.