- საქართველოში კორონავირუსის 5 068 ახალი შემთხვევა გამოვლინდა, – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ მთავრობის ადმინისტრაციაში გამართულ ბრიფინგზე განაცხადა.
მისი ინფორმაციით, ქვეყანაში გამოჯანმრთელდა 2 336 ადამიანი. ბოლო დღე-ღამეში კორონავირუსით გარდაიცვალა 38 პაციენტი.
საქართველოში კორონავირუსით ინფიცირების სულ 152 704 შემთხვევაა გამოვლენილი, მათგან 126 904 გამოჯანმრთელდა, 1 425 კი გარდაიცვალა.
საკარანტინო სივრცეებში მოთავსებულია 1 974 ადამიანი, თვითიზოლაციაშია 50 544 პირი.
6 561 ადამიანი მკურნალობს საავადმყოფოში, 3 867 პირი მოთავსებულია კოვიდსასტუმროში, 11 227 კი მკურნალობის კურსს ბინაზე გადის.
