- ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა. აღმოჩნდა რომ პლანეტის მოსახლეობის დაახლოებით 50% სუნთქავს მტვერითა და ტოქსიკური აეროზოლებით დაბინძურებულ ჰაერს. მათი უმრავლესობა ცხოვრობს აფრიკასა და სამხრეთ აზიაში.
ჯანდაცვის მსოფლიო ორგანიზაციის სტატისტიკის თანახმად, დაბინძურებული ჰაერი წელიწადში დაახლოებით 7 მილიონ ადამიანს კლავს.
საშიშ ნივთიერებებს მიეკუთვნება ოზონო და ბუნებრივი და ხელოვნური წარმომავლობის მტვერი. აღსანიშნავია, რომ ბოლო ანალიზში გათვალისწინებულია არა მარტო სამრეწველო დაბინძურება, არამედ მაგალითად, ქარით ჰაერში გაბნეული უდაბნო საქარას ქვიშაც.
პლანეტის მოსახლეობის ნახევარი სუნთქავს ჰაერით, რომელშიდაც მტვერისა და აეროზოლის კონცენტრაცია მნიშვნელოვნად აღემატება ჯანდაცვის მსოფლიო ორგანიზაციის მიერ დაშვებულ ნორმებს. რეგიონების დაახლოებით 55%-ში ეს მაჩვენებელი ბოლო წლებში გაიზარდა, მიუხედავად ეკოლოგიური კანონმდებლობის ცვლილებისა. ყველაზე ცუდი სიტუაციაა ჩრდილოეთ აფრიკაში, ინდოეთში, ბანგლადეშში, ჩინეთსა და შუა აზიის ქვეყნებში. თუმცა ზოგიერთ, მაგალითად ევროპის ქვეყნებში ჰაერის ხარისხი მნიშვნელოვნად უმჯობესდება.
