- ზუგდიდისა და ცაიშის მიტროპოლიტ გერასიმეს ინიციატივაა, ვლაქერნობის დღესასწაული დასვენების დღედ გამოცხადდეს. ამის შესახებ მან წირვის დასრულების შემდეგ, ქადაგებისას, ისაუბრა.
15 ივლისი ვლაქერნის ღვთისმშობლის ხატის დღეა. ამ დღესთან დაკავშირებით, ტრადიციულად, სალიტანიო მსვლელობით, ხდება დადიანების მუზეუმის საცავიდან, ქალაქის მშენებარე, ივერიის ღვთისმშობლის ტაძარში, ზუგდიდის ცენტრალური ბულვარისა და თავისუფლების მოედნის გავლით, ღვთისმშობლის კვართის გადაბრძანება, სადაც ზუგდიდელებს და ზუგდიდის სტუმრებს შეუძლიათ მოილოცონ სიწმინდე.