„თავისუფალი საქართველოს“ ლიდერმა კახა კუკავამ დღეს ზუგდიდის მუნიციპალიტეტის სოფელ ერგეტაში მაჟორიტარი დეპუტატობის კანდიდატად ბაჩუკი ნაროუშვილი წარადგინა. ადგილობრივი თვითმმართველობის წარმომადგენლობითი ორგანოს – საკრებულოს 2014 წლის 15 ივნისის არჩევნების მაჟორიტარული საარჩევნო სისტემით ზუგდიდის მუნიციპალიტეტების საკრებულოს შუალედური არჩევნები 31 მაისს გაიმართება. შუალედური არჩევნების გამართვის აუცილებლობა დღის წესრიგში მას შემდეგ დადგა, რაც 79 წლის ასაკში გარდაიცვალა ზუგდიდის მუნიციპალიტეტის საკრებულოს უხუცესი წევრი ნაპო გაბისონია.