ზუგდიდის მერია: მერიის შესაბამისი სამსახურები საგანგებო რეჟიმში მუშაობენ

• ზუგდიდის მუნიციპალიტეტის მერიის ინფორმაციით, ზუგდიდის მუნიციპალიტეტში ძლიერი ქარის გამო, მერიის შესაბამისი სამსახურები საგანგებო რეჟიმში მუშაობენ.

ძლიერმა ქარმა დააზიანა ელექტროგადამცემი ბოძები და სადენები, დაზიანდა საცხოვრებელი სახლების სახურავები, წაქცეულია ხეები.

სტიქიის სალიკვიდაციო სამუშაოებში, მთელი ღამის განმავლობაში ჩართული იყო მერიის ა(ა)იპ “კეთილმოწყობის მართვის ცენტრი“ და “ენერგო პრო ჯორჯიას“ ბრიგადები.

მერიაში შექმნილია სპეციალური კომისია, რომელიც სტიქიის შედეგად მიყენებულ ზარალს ითვლის.