“ეროვნული მუზეუმი” ოკუპირებული აფხაზეთის სამხატვრო გალერეაში მომხდარი ხანძრის გამო მწუხარებას გამოთქვამს

• სსიპ „საქართველოს ეროვნული მუზეუმი” ოკუპირებული აფხაზეთის სამხატვრო გალერეაში 21 იანვარს მომხდარი ხანძრის გამო მწუხარებას გამოთქვამს. ამის შესახებ ინფორმაციას “ეროვნული მუზეუმი” სოციალურ ქსელში ავრცელებს.

“სსიპ საქართველოს ეროვნული მუზეუმი მწუხარებას გამოთქვამს ოკუპირებული აფხაზეთის სამხატვრო გალერეაში 21 იანვარს მომხდარი ხანძრის გამო.

ეროვნული მუზეუმი გამოხატავს მზადყოფნას, სამხატვრო გალერეის სპეციალისტებს აღმოუჩინოს დახმარება დაზიანებული ექსპონატების რესტავრაციის პროცესში და, ამ მიზნით, შალვა ამირანაშვილის სახელობის ხელოვნების სახელმწიფო მუზეუმის რესტავრატორებისაგან შექმნას სპეციალური ჯგუფი.”-აღნიშნულია ინფორმაციაში.