- დადიანების მუზეუმის ადმინისტრაციის ინფორმაციით, დადიანების მუზეუმში საგანმანათლებლო პროგრამების ახალი სეზონი დაიწყო.
პროგრამა “ოქროსფერი შემოდგომა“ მონაწილეებს გიდის თანხლებით ჩაუტარდებათ ექსკურსია მუზეუმში და გაეცნობიან დადიანების უნიკალურ კოლექციას.
მონაწილეებს ჩაუტარდებათ პრეზენტაცია შემოდგომაზე.
პრაქტიკული ნაწილი მოიცავს გონების სავარჯიშო სახალისო დეტალებს. წარმოდგენილი სამუშაო მასალის საშუალებით ბავშვები საკუთარი ფანტაზიით შექმნიან შემოდგომის სურათებს.
მონაწილეობის მისაღებად აუცილებელია წინასწარი რეგისტრაცია.
პროგრამები განკუთვნილია სკოლის ასაკის მოსწავლეთათვის. (1 კლასიდან მე-5 კლასის ჩათვლით).
ჯგუფში მონაწილეთა რაოდენობა: 15-30 ბავშვი.
პროგრამის ხანგრძლივობა: 60-90 წუთი.
პროგრამის ღირებულება: 7 ლარი.
დრო: 10:00 საათიდან 17:00 საათამდე.
ოთხშაბათიდან კვირის ჩათვლით.
