- დღეს, უფლისწულ ნიკო დადიანის სასახლეში, გაიმართა საქართველოს დამსახურებული მხატვრის, ლეოპოლდ (ბოჩია) ძაძამიძის (1922-1966) გამოფენა.
გამოფენა მიეძღვნა ლეოპოლდ ძაძამიძის დისშვილის, საპატიო ზუგდიდელის პეტრე (მურთაზ) უბერის ხსოვნას.
გამოფენაზე წარმოდგენილი იყო 50-ზე მეტი ფერწერული ნამუშევარი, დაცული მხატვრის მემკვიდრეთა – პეტრე (მურთაზ) და ნუგზარ უბერების ოჯახურ კოლექციაში.
ღონისძიებას ესწრებოდნენ მოწვეული სტუმრები, მათ შორის მხატვრის ოჯახის წევრები, მეგობრები, კულტურის სფეროს წარმომადგენლები, სამხატვრო საზოგადოება, ადგილობრივი თვითმმართველობის წევრები და ხელოვნების მოყვარულები.
გამოფენა გაგრძელდება 2025 წლის 10 ივლისის ჩათვლით.