ზუგდიდის მუნიციპალიტეტის ცენტრალურ ბიბლიოთეკაში დღეს რაიონის ბიბლიოთეკის დირექტორებთან შეხვედრა-სემინარი გაიმართა. ამჟამად სოფლებში სულ 16 ბიბლიოთეკა ფუნქციონირებს. როგორც ბიბლიოთეკის დირექტორმა მადონა მაქაცარიამ აღნიშნა, იანვრიდან მოიაზრება კიდევ ექვს სოფელში ბიბლიოთეკის დამატება. დღევანდელ შეხვედრაზე თვითმმართველობის წარმომადგენლებთან ბიბლიოთეკარებმა არსებულ პრობლემებზე ისაუბრეს. ბიბლიოთეკის დირექტორები ადგილობრივი ხელისუფლებისგან თანადგომას ითხოვენ. საზღვრისპირა სოფელ ხურჩის ბიბლიოთეკის გამგე კი, ხელისუფლება სთხოვს ფართს, რომლითაც არა მარტო ადგილობრივები, არამედ აფხაზეთიდან გადმოსული მოსწავლე-ახალგაზრდებიც ისარგებლებენ.