ზუგდიდის მუნიციპალიტეტის ადმინისტრაციულ ერთეულებში დასახლების საერთო კრებები და კონსულტაციები იწყება

• ზუგდიდის მუნიციპალიტეტის ადმინისტრაციულ ერთეულებში, “სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, დასახლების საერთო კრებები და კონსულტაციები იწყება.

ზუგდიდის მუნიციპალიტეტის მერიის ინფორმაციით, თითოეული სოფელი ინფრასტრუქტურული პროექტის განსახორციელებლად თანხას მოსახლეობის რაოდენობის გათვალისწინებით მიიღებს.

უწყების ცნობით, მიმდინარე წელს, ზუგდიდის მუნიციპალიტეტს “სოფლის მხარდაჭერის პროგრამის“ ფარგლებში, 950 000 ლარამდე გამოეყო.