- ზუგდიდელი ძალოსანი ნათია გადელია ევროპის ჩემპიონია. ძალოსანმა 2 ოქროს და 1 ბრინჯაოს მედალი მოიპოვა.
საქართველოს ძალოსნობის ფედერაციის ინფორმაციით, ალბანეთში მიმდინარე U23 ძალოსანთა ევროპის ჩემპიონატზე საქართველოს ნაკრებიდან მთავარი მწვრთნელის, თემურ ჯანჯღავას ხელმძღვანელობით ნათია გადელიამ იასპარეზა. ძალოსანმა ატაცში 100 / 104 / 106 კილოგრამი დაძლია, ბრინჯაოს მედალი მოიპოვა და ევროპის პრიზიორის ტიტული გაიფორმა.
გადელიამ აკვრაში დაძლეული 125 / 130 / 135 კილოგრამით ოქროს მედალი მოიპოვა, ოქროს მედლის მფლობელი გახდა და ევროპის ჩემპიონის ტიტულიც გაიფორმა, ასევე უმაღლესი სინჯის მედალი დაისაკუთრა ორჭიდში მოგროვილი241 კილოგრამითაც.