- დღეს, 15 სექტემბერს, ზუგდიდის მუნიციპალიტეტის 51 საჯარო და 6 კერძო სკოლაში სასწავლო პროცესი განახლდა.
ზუგდიდის საგანმანათლებლო რესურსცენტრის ხელმძღვანელმა მამუკა ბულიამ “ზუგდიდელებს” უთხრა, რომ დღეს, ქალაქისა და მუნიციპალიტეტის ყველა საჯარო სკოლაში სასწავლო პროცესი ერთდროულად დაიწყო.
მამუკა ბულიას ინფორმაციით, წელს, ზუგდიდის საჯარო სკოლებმა 1035 პირველკლასელი მიიღეს, ზუგდიდის მუნიციპალიტეტის კერძო სკოლებში კი 69 პირველკლასელი მივიდა.
