ბიბლიოთეკაში წიგნის საჯაროდ კითხვის მსოფლიო დღე აღნიშნეს

• წიგნის საჯაროდ კითხვის მსოფლიო დღესთან დაკავშირებით რუხის საჯარო სკოლის მეორე კლასის მოსწავლეები ესტუმრნენ ზუგდიდის ცენტრალურ ბიბლიოთეკას.

ზუგდიდის მუნიციპალიტეტის ბიბლიოთეკების მართვის ცენტრის ინფორმაციით, ბიბლიოთეკის დათვალიერების შემდეგ ბავშვებმა კლასის ხელმძღვანელთან – ნატო ჯანაშიასთან ერთად ისაუბრეს ამ დღის მნიშვნელობაზე, წიგნთან მეგობრობაზე, წაიკითხეს ლექსები და წარმოადგინეს მათზე შესრულებული ილუსტრაციები.

პატარებმა ერთმანეთს და დამსწრე საზოგადოებას გაუზიარეს წიგნის ხმამაღლა კითხვის სიხარული.