- საქართველო დამოუკიდებლობის დღეს აღნიშნავს. საზეიმო ღონისძიებები თბილისსა და რეგიონებში გაიმართება. ზუგდიდში საქართველოს დამოუკიდებლობის დღისადმი მიძღვნილი ღონისძიებები 14 საათიდან დაიწყება.
ღონისძიების ორგანიზატორების ინფორმაციით, დღეს, ქალაქში მთელი დღის განმავლობაში, გაიმართება სხვადასხვა სახის საზეიმო და შემეცნებითი ღონისძიება.
საღამოს 17:10 საათზე, საქართველოს დამოუკიდებლობის გამოცხადების ისტორიული დრო საზეიმოდ აღინიშნება. შესრულდება საქართველოს ჰიმნი. 17:30 წუთზე დაიწყება შემაჯამებელი კონცერტი.
წელს საქართველოს დამოუკიდებლობის დღის მთავარი თემატიკაა: “თავისუფლების სიყვარულით“.
