- დღეს, პროგრამა “ჩემი პირველი კომპიუტერი“-ს ფარგლებში, ზუგდიდის მოსწავლე-ახალგაზრდობის სასახლეში, 2021-2022 სასწავლო წლის საბაზო საფეხურის წარჩინებული მოსწავლეები პერსონალური კომპიუტერებით დაჯილდოვდნენ.
ზუგდიდის მუნიციპალიტეტის მერიის ინფორმაციით, პროგრამის ფარგლებში სწავლაში მიღწეული წარმატებისთვის პერსონალური კომპიუტერი ზუგდიდის მუნიციპალიტეტის 111 მეათეკლასელს (2021-2022 სასწავლო წლის საბაზო საფეხურის კურსდამთავრებულს) გადაეცა.
შეხვედრას ზუგდიდის მუნიციპალიტეტის მერი მამუკა წოწერია, მერის მოადგილე მაიზერ ნანავა და საგანმანათლებლო რესურსცენტრის წარმომადგენლები ესწრებოდნენ.