ზუგდიდის ბოტანიკური ბაღი მოსახლეობას აფრთხილებს

• დადიანების სასახლეთა ისტორიულ-არქიტექტურულ მუზეუმსა და მის წინ მდებარე ისტორიულ პარკში, 29 სექტემბრიდან მიმდინარეობს სამუშაოები პროექტისთვის „საშობაო მეჯლისი დადიანების სასახლეში“.

დაგეგმილი გადაღებების გამო, 5-დან 9 ოქტომბრის ჩათვლით მუზეუმი დაიხურება დამთვალიერებლებისთვის და გადაიკეტება მუზეუმის წინ მდებარე ტერიტორია.

ზუგდიდის ბოტანიკური ბაღის ადმინისტრაციის ინფორმაციით, აღნიშნული ღონისძიების ჩატარების პერიოდში ასევე დაიკეტება ზუგდიდის ბოტანიკურ ბაღში მუზეუმის მხრიდან შესასვლელი კარი.

ზუგდიდის ბოტანიკურ ბაღში 5-დან 9 ოქტომბრის ჩათვლით შესვლა შესაძლებელი იქნება სოხუმის ქუჩის მხრიდან.