- საქართველოს რეგიონული პოლიტიკისა და თვითმმართველობის კომიტეტის თავმჯდომარის სოზარ სუბარის მოადგილედ საქართველოს პარლამენტის წევრი ედიშერ თოლორაია აირჩიეს.
თოლორაია ასევე არის, პარლამენტის გარემოს დაცვისა და ბუნებრივი რესურსების კომიტეტის წევრი.
ედიშერ თოლორაია, 2012 წლიდან 2014 წლამდე ზუგდიდის მუნიციპალიტეტის გამგებლის მოვალეობას ასრულებდა. 2014-2016 წლებში თვითმმართველობის არჩევნებში არჩეულ იქნა ზუგდიდის მუნიციპალიტეტის გამგებლად.
2016-2020 წელს არჩეულ იქნა ზუგდიდის მუნიციპალიტეტის მაჟორიტარ დეპუტატად, მეცხრე მოწვევის პარლამენტში. 2021 წელს პროპორციული სიით გახდა მეათე მოწვევის საქართველოს პარლამენტის წევრი, ასევე არის “ქართული ოცნების” ზუგდიდის საოლქო ორგანიზაციის თავმჯდომარე.
