- 18 აპრილს თბილისში დასრულდა საქართველოს ჩემპიონატი ჭადრაკში 14 და 18 წლამდე ჭაბუკთა და გოგონათა შორის. ზუგდიდელმა მოჭადრაკემ ნიკოლოზ შამათავამ 14 წლამდე ჭაბუკთა შორის 9 ტურიანი დისტანცია დაუმარცხებლად განვლო (6 მოგება და 3 ფრე) და 7.5 ქულით საქართველოს ჩემპიონის ტიტული მოიპოვა.
ნიკოლოზ შამათავას მადონა ბოკუჩავა წვრთნის.
ასევე ზუგდიდელმა გრიგოლ ბეჭვაიამ 5 ქულით მე-14 ადგილი მოიპოვა შეჯიბრზე.
18 წლამდე ჭაბუკთა შორის კი, გიორგი ნაყოფია 6 ქულით მე-4 ადგილზე გავიდა.
ამავე ასაკობრივ კატეგორიაში, ფოთელი აკაკი ყალიჩავა 8 ქულით საქართველოს ჩემპიონი გახდა. მან ეს ტიტული შარშანაც მოიპოვა.
