“გოშინა”

• სოციალური ქსელები, გულახდილად ვთქვათ, ბევრ მარგალიტს გვთავაზობს. ჩვენი კოლეგის ფატი ნაჭყებიას ფეისგვერდზე, ქრისტეშობის სადღესასწაულო დღეების ორიგინალური მოგონება გამოქვეყნდა. ავტორი იხსენებს მეგრულის სოფლის საშობაო რიტუალებს. სასიამოვნოა, რომ ჩანაწერი მეგრულ ენაზევეა დაწერილი და “ოდაბადეში ნინაში” ულამაზეს სიტყვებსაც გვახსენებს და გვასწავლის არდასავიწყებელ საყოფაცხოვრებო წესებთან ერთად.

“აბა, ქირსეში უკული, ჯვეშით ახალ წანაშა, დღალეფი ქიგიფშინათ…

….ქრსე სერს ხომ გეგნოკიჟინუნდეს ღეჯები სოფელს, ქირსე დღას ირი ყუდეს იფუჟღანდ ქონდარი დო ხუმლა ქინძიში შური… …დონწყუნდეს , დოსვარუნდეს თია- თიათ ოთანთალაია ღეჯის. დოჯიმოლუნდეს დო ოსკირაფალო ეიობუნუანდესუნი თეიშა ტაბაკის ქიგლანწკარანდეს, ვარა ორკეეფი უღუდუნი თიცალი იაშიკის- გაწირიდალო დო ჯიმუქ ჯგირო გემშართუკონი ტიშენი… სოფელს ემერ – ამარი რდუ ღეჯის ვავილუნდუნი ფერი ოჯახი, დო ქორდუდა, თინა ხოლო თიცალი, ახალი ღურელი ყუნდუნი ფერი. თინეფს ირკოჩი თიას მინუჯღონანდ, თეში ვედიტენდეს… ვაშინერსია , თქუანდ ბებჩქიმი, ღორონთიში დღარენია დო, მითინს ოკო ვაშკირენდასია… ბები, ჩხონაფილი, უღუდუნი თინეფშა ხოლო მიმოღალაფუანდეს თიას ბაღანეფს. ,,მინაჯღონას გვალო შხვა გემო უღუნია” … ქვარაში რჩხუალა ართი დიდი რიტუალი რდუ ოსურკათაშო. დიო, საბზადშე შორს მიდეღანდეს დედა დო ბები ღეჯიში ფაშის, საკუპატე ქვარას გახეკუშა დო პირველი რგილი წყარით გარჩხუშა. ოხ , მუ ოხეკალი რდუ , მუ კეკინი ქაკოდუ. მუზმახანს გასოფუდეს თექ დო უკული მოლეღანდეს საბზადშა დო ტიბუ დო ჩხე წყარით, ძმარით, სოდათ, ოტანტალაიათ გინართინუანდეს… ჩქიმი ბები დო დიდა სუფთა ოსურეფი დო ჯგირი ,,ხაზეიკეფი“ რდეს. ნანული დო ფაშურას ჯგირი კუპატები უღუნანია დო დიპატიჟენდეს კუპატიში ოჭკუმშა დუც მუაჩქიმიში ჯიმაკათეფი, გიოდურზანდეს – დირფა დო დარანას. ბები ქვარაში სუნელიში დიდოსტატი რდუ. თეში დორკვანუნდ ქვარას , ბირცხაშა ელეჭკუმანდეს…ხვალე კუპატისო. -ოჭმარეს ,სკოლაში მაულარი ბაღანეფს კვერცხუმნუსუმალ, ხეშნაჭვი ქობალიში ცომშე გეჭუაფილ ხაჭაპურს მიკეთენდესუნი, თიში გემო ამდღა ხოლო ელაფშუ… ვარი, თი ცომს ვართ მაიონეზი უღუდუ, ვართ ზეთი დო ვართი კარაქი… ხვალე წაქათი რდუ ზელი… მესიაკონი დო უშულადუ ბები დო დიდა სერით, ბაღანეფს ქუდმორულუანდესუნი უკული კასუნდეს კუპატეფს. გებდირთუდით ოჭმარეს, ქელვოჯინედით ბუხარწკუმა დო მიკიჭვიჭინანდეს ქვარაგომბარილი ( 9-12 )კუპატეფი- სიგირძა სიგანეში ,,მიხედვით“. 3-4 დღაშა , ჯვეშით ახალწანაშო , ხორციში ჯიმოლუა ხოლო თებულირდუ, ქიგიოჭაჭანდეს თოლირ კეტის თიეფს და გიორულუანდეს თათშა ბაბუში ოფურკეშა. თათჩა ბაბუში ოფურკე მთელი ჟინი სუკიში სანაჭყებიოში ოფურკე რდუ… ვაკკორჩირთანია თქვანი თქვანი სელეგინეფი, კუპატეფი დო ხორცეფქია, თქუანდუ თათჩა ბაბუ… ეეეეე, კუპატეფს ირკოჩი ქობჭკუმუნთ ამდღა ხოლო, ღეჯიში ხორცის ხოლო, მარა , ქირსე სერს ხვალე ართი ღეჯიში მეკიჟინი გებგონი, თინა ხოლო ღეჯი ვარ ,ჩიხუ იიდუ…ქალაქის დო სოფელს მართალი გიწუათუნი , ვამიჩქ ასე მუჭო ხვადუნი დიდება ღორონს, ამდღა ოხვამურეფი გონჯამილი რე დო თოლგონჯამილი, ღორონთიშო გურგონჯამილი კათა მინჭუაფ ოხვამუს სერიში გათანაფშა დო ოქირსონი ხვამა- წირუაში მარჩქილაფშა … ღორონთ, ირკოც ჩეთ გეუუნი პაპაში ხვამუა- წირუა…”