- ზუგდიდის მუნიციპალიტეტის საკრებულოს დღევანდელ სხდომაზე საკრებულოს ხელმძღვანელის არჩევა ქვორუმის არქონის გამო გადაიდო, რადგან სხდომა ასევე, დატოვეს “გახარია საქართველოსთვის” წევრებმა.
საკრებულოს აპარატის უფროსმა ნატა პაპასკირმა ჟურნალისტებთან განმარტა, რომ საკრებულოს სხდომა ვერ გაგრძელდებოდა:
“რადგან ოპოზიციურმა პარტიებმა გააკეთეს განცხადება, რომ არ ღებულობენ ისეთ პროცედურულ საკითხებში მონაწილეობას, როგორიცაა საკრებულოს ხელმძღვანელი პირების არჩევა, საკრებულოს აღარ ჰქონდა ქვორუმი, ანუ გადაწყვეტილების მიღებისთვის საჭირო ნახევარზე მეტი ხმა, რაც 23 ხმას შეადგენს. საკრებულოს სხდომა რეგლამენტის შესაბამისად გადაიდო ერთი კვირით”.