გაერთიანებული ოპოზიციის აქცია საოლქო საარჩევნო კომისიასთან

• დღეს, გაერთიანებული ოპოზიციის წარმომადგენლებმა და მათმა მხარდამჭერებმა ზუგდიდის საოლქო საარჩევნო კომისიასთან საპროტესტო აქცია გამართეს. 

შეკრებილებს ხელთ ეჭირათ პლაკატები წარწერით: “ქართული ოცნების შტაბი”, “ნუ გვართმევთ მომავალს”, “ბნელა”.

აქციის ორგანიზატორებმა განაცხადეს, რომ მთელი ქვეყნის მასშტაბით, საოლქო კომისიებში შემაჯამებელი სხდომები მიმდინარეობს საპროტესტო აქციების ფონზე.

აქციის მონაწილეებს სურდათ საანგარიშო (ჩოთქი) შეტანა შენობაში და ოლქის თავმჯდომარისთვის გადაცემა, თუმცა მათ ამის საშუალება სამართალდამცველებმა არ მისცეს, ამიტომ აქციის მონაწილეებმა საანგარიშო შენობის მიმდებარედ, ხეზე დაკიდეს.