- ჯანდაცვის მსოფლიო ორგანიზაცია აცხადებს, რომ ამჟამად მსოფლიოში ახალი კორონავირუსის საწინააღმდეგო 102 პოტენციურ ვაქცინაზე მუშაობენ.
ორგანიზაციის ინფორმაციით, რვა პოტენციური ვაქცინა კლინიკური ცდებისთვის უკვე დამტკიცებულია, მათგან ოთხზე – ჩინეთში, ერთზე – დიდ ბრიტანეთში, ერთზე – აშშ-ში, ერთზე კი – აშშ-სა და ევროპულ ქვეყნებში ერთობლივად მუშაობენ.
მერვე ახლად დამტკიცებული პოტენციური ვაქცინაც ჩინურია, თუმცა ჯერჯერობით უცნობია, დაწყებულია თუ არა მასზე კლინიკური ცდები.
ცნობისთვის, კორონავირუსის საწინააღმდეგო ვაქცინის ადამიანებზე გამოცდა პირველმა „ამერიკის ჯანდაცვის ეროვნულმა ინსტიტუტებმა“ 16 მარტს დაიწყო.
