საკარანტინო ზონიდან ინფექციურში ახალგაზრდა მამაკაცი მოათავსეს

• ზუგდიდის ინფექციური საავადმყოფოს პრესსამსახურის ინფორმაციით, ანაკლიის საკარანტინო ზონიდან  ინფექციურ საავადმყოფოში, წუხელ გვიან ღამით ახალგაზრდა მამაკაცი მოათავსეს. 

“წუხელ გვიან ღამით, ზუდგდიდის ინფექციურ საავადმყოფოში ხონში მცხოვრები მამაკაცი გადმოიყვანეს, რომელსაც აღენიშნებოდა ცხელება. ის რამდენიმე კვირის წინ ბებიასთან იმყოფებოდა გალის რაიონში.(წარმოშობით გალელია) . იგი 29 მარტიდან საკარანტინო სივრცეში იმყოფებოდა. ჯანმრთელობის მდგომარეობა დამაკმაყოფილებელია. მას ჩაუტარდა შიდა კვლევები, ჯერჯერობით არ არიც ცნობილი, გაიგზავნება თუ არა მისი ბიოლოგიური მასალა ლუგარის ლაბორატორიაში. მიმდინარეობს ექიმების დაკვირვება,”-ნათქვამია მედიისთვის გავრცელებულ ინფორმაციაში.