- ამის შესახებ ადგილობრივი მედია წერს. მოსკოვში საყოველთაო კარანტინი 30 მარტიდან ამოქმედდება.
გამოცემების ინფორმაციით, ოფიციალურმა კრემლმა გადაწყვეტილება ქვეყანაში შექმნილი რთული ეპიდსიტუაციის გამო მიიღო.
ადგილობრივ მოსახლეობას ბინის დატოვების უფლება სამსახურში, სასურსათო მაღაზიებში, აფთიაქებში და სამედიცინო დაწესებულებაში წასვლის შემთხვევაში ექნებათ.
მოსახლეობის იმ ნაწილს, ვინც კორონავირუსის გამო სამსახურს დაკარგავს, სახელმწიფო 20 ათას რუბლამდე კომპენსაციას გადაუხდის.
ამ დროის მონაცემებით, რუსეთში კორონავირუსით ინფიცირების 1 534 შემთხვევა დადსატურდა. აქედან 9 ადამიანი გარდაიცვალა, 64 კი გამოჯანმრთელდა.