ხარისხიან სამედიცინო ნიღბებზე ფასმა მოიმატა

• ზუგდიდის აფთიაქები დღეისთვის სრულად გაჯერებულია სამედიცინო ნიღბებით. ხარისხის მიხედვით განსხვავებულია მათი ფასები და 0.15 თეთრიდან 0.95 თეთრამდე მერყეობს.

“პე ეს პეში” სამედიცინო ნიღაბი 0,15 თეთრია, “ფარმადეპოში”–0,20, “ავერსში”–0,18, “ჯი პი სიში”–0,20, “ფარმაში– 0,20 თეთრი. განსხვავებული ფასი იყო აფთიაქში “ინპექსი.” აქ სამედიცინო ნიღაბი 0,95 თეთრი ღირს. “ინპექსის” ერთ-ერთი ფილიალის მენეჯერი თამარ ტაბაღუა “ზუგდიდელებთან” ამბობს, რომ სამედიცინო ნიღაბზე ფასმა რამდენიმე დღეა მოიმატა და ის ხარისხების მიხედვითაა. “არის ჩინური და რუსული წარმოების ნიღბები. ჩვენთან იყიდება რუსული წარმოების სამშრიანი და ხარისხიანია.”