დღეს, საინიციატივო ჯგუფის მიერ, დასახელებულმა მერობის კანდიდატმა მალხაზ ქუჩულორიამ, შეხვედრა გამართა არასამთავრობოსთან, მედიასთან და მხარდამჭერებთან. ქუჩულორიამ, შეხვედრაზე, ქალაქის ინფრასტრუქტურული განვითარების მისეული ხედვები და კონცეფციის პრეზენტაცია გააკეთა. მან, დამსწრე საზოგადოებას ფოტოსლაიდებით წარუდგინა როგორ უნდა შეიფუთოს ქალაქის ცენტრში მდებარე შენობები და როგორი არქიტექტურით დაიტვირთოს.
მალხაზ ქუჩულორიამ ყურადღება გაამახვილა ტურისტული სივრცეების მოწყობაზე. მისი განმარტებით, ზუგდიდი უნდა გახდეს რეგიონში ტურიზმის მნიშვნელოვანი ცენტრი. მერობის კანდიდატი ფიქრობს, რომ ზუგდიდი უნდა გახდეს მსოფლიოში ერთ-ერთი გამორჩეული და ყველაზე უნიკალური ქალაქი. “ეს არის ძალზედ რეალური და ჩვენ გვაქვს ამასთან დაკავშირებით კონკრეტული ხედვები”.
moxaruli var