მაღალყოვლადუსამღვდელოესმა ზუგდიდისა და ცაიშის მიტროპოლიტმა გერასიმემ, ეპარქიის სამღვდელოებასთან ერთად, ზუგდიდის ივერიის ყოვლადწმინდა ღმრთისმშობლის სახელობის საკათედრო ტაძარში, 2008 წლის აგვისტოს ომში დაღუპულ გმირებს პარაკლისი გადაუხადა.
აგვისტოს ომში 3 ზუგდიდელი ჯარისკაცი დაიღუპა: ბერანძე ბადრი, გოროზია სერგეი და ჯიქია დავითი. სამეგრელო-ზემო სვანეთის რეგიონში 2008 წლის აგვისტოს მოვლენებს, სულ 37 ადამიანი ემსხვერპლა.
მუნიციპალიტეტის მერია გარდაცვლილთა ოჯახებს ყოველწლიურად 1000 ლარს ურიცხავს.