- 31 ოქტომბერი შავი ზღვის დაცვის საერთაშორისო დღეა. საქართველოში ეს თარიღი 1997 წლიდან აღინიშნება.
“ზუგდიდდასუფთავების” ცენტრის ინფორმაციით, წელს, 2020 წლის 31 ოქტომბერი საქართველოში დაემთხვა საპარლამენტო არჩევნების დღეს. ზუგდიდის მუნიციპალიტეტის ააიპ “ზუგდიდდასუფთავების ცენტრი”- ს თანამშრომლები თავდაპირველად დილის 8 საათზე გამოცხადნენ თავიანთ საარჩევნო უბნებში, რათა მოეხადათ მოქალაქეობრივი ვალი, შემდეგ კი აქტიურად ჩაერთნენ შავი ზღვის დაცვის დღესთან დაკავშირებულ აქციაში.
მიუხედავად იმისა, რომ ანაკლია-განმუხურის სანაპირო ზოლის საკურორტო მონაკვეთი მოწესრიგებული იყო, აქციის მონაწილეებმა დამატებით დაასუფთავეს დაცული ტერიტორიების 2 კმ ზოლი. ნაგავსაყრელში გაიზიდა 30 მ3 ნარჩენი.
