- საქართველოს გასტრონომიის ასოციაციის ინიციატივით, 27 თებერვალი ხაჭაპურის ეროვნულ დღედ გამოცხადდა.
“ხაჭაპურის ტრადიციაა, რიტუალის და დღესასწაულის გამოხატულებაა. არც ერთი სადღესასწაულო სუფრა არ გაიმართება ხაჭაპურის გარეშე. ყველაზე დემოკრატიული ყველა ასაკის და გემოვნებისთვის მოსარგები. ხაჭაპური , როგორც ეროვნული კერძიიმდენად ღრმად არის გამჯდარი ქართველის გენში რომ მსოფლიოს ყველა კუთხეში გაბნეულ ქართველებში ეთნიკურობის მახასიათებლად გვევლინება.
ხოდა, ასეთ იდეას გთავაზობთ საქართველოს გასტრონომიის ასოციაცია, “გუნდა” და გოგა ჩანადირი. ამ დღეს მიუძღვნება ერთდღიანი კამპანია ხაჭაპური ბავშვებისთვის.
იდეის მიზანია, კვების დაწესებულებებმა, რომლებიც ამ დღეს ხაჭაპურს გაყიდიან (იმერული, მეგრული, აჭარული, კუბდარი, ფხლოვანი, ხაბიძგინი, ლობიანი, ფენოვანი და ასე შემდეგ), 20 თეთრი გადარიცხონ დიმიტრი ცინცაძის ფონდში, რათა თანხა მოხმარდეს მძიმე სენით დაავადებული ბავშვების გამოჯანმრთელებას.
უმორჩილესად ვთხოვ კვების დაწესებულებებს, შეურთდნენ ამ წამოწყებას და ასევე, თქვენც გთხოვთ, შეიძინოთ ხაჭაპური იმ ბარ-რესტორნებისგან, რომლებიც იდეას მხარს უჭერენ, რათა ქველმოქმედებისთვის უფრო მეტი თანხა შეგროვდეს”.-აღნიშნულია საქართველოს გასტრონომიის ასოციაციის მიერ გავრცელებულ ინფორმაციაში.