ზუგდიდში კორონავირუსის პირველი შემთხვევა დადასტურდა

ზუგდიდის ინფექციურ საავადმყოფოში მოთავსებულ 67 წლის მამაკაცს კორონავირუსი დაუდასტურდა. ზუგდიდის საზოგადოებრივი ჯანდაცვის ცენტრის ხელმძღვანელმა ნანა ოდიშარიამ მედიასაშუალებებთან საუბარში განაცხადა, რომ პასუხი ლუგარის ლაბორატორიიდან დღეს საღამოს მიიღეს. "რაც შეეხება პაციენტის ზოგად მდგომარეობას, მას ტემპერატურა აღენიშნება თუმცა სტაბილურადაა". დეტალების დაზუსტება "ზუგდიდელებმა" ნანა ოდიშარიასთან ტელეფონით სცადა, მაგრამ მან ჩვენს ზარს არ უპასუხა. ჩვენი...

კორონავირუსით ინფიცირების შემთხვევათა რაოდენობა 75-მდე გაიზარდა

საქართველოში კორონავირუსით ინფიცირების შემთხვევათა რაოდენობა 75 -მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 4055 ადამიანი, ხოლო სტაციონარში მეთვალყურეობის ქვეშ - 252 პირი. ინფორმაციისთვის, 75 ადამიანიდან 10 გამოჯანმრთელებულია.

“თავდაცვა და უსაფრთხოება-ინფორმირებული არჩევანი”

დღეს, საქართველოს უნივერსიტეტის სამეგრელო-ზემო სვანეთის ზუგდიდის ფილიალში, პროექტ "თავდაცვა და უსაფრთხოება-ინფორმირებული არჩევანი'' ფარგლებში, მედია სკოლის წევრებს ჩაუტარდათ დისტანციური ტრენინგი კორონა ვირუსთან დაკავშირებით. ტრენინგზე საუბარი მიმდინარეობდა ვირუსის წარმოშობასა და მის პრევენციის გზებზე. ტრენინგი თანატოლებისათვის პროექტის ხელმძღვანელმა, ლიზი შამუგიამ ჩაატარა. ის აკაკი წერეთელის სახელობის ზუგდიდის #1 გიმნაზიის 12-ე კლასის მოსწავლეა და ხელმძღვანელობს...

ანა წითლიძე ზუგდიდელებს მიმართავს

"ერთიანი ნაციონალური მოძრაობის" ზუგდიდის ორგანიზაციის ხელმძღვანელი ანა წითლიძე ფეისბუქგვერდზე წერს და ზუგდიდელებს მიმართავს: "ზუგდიდელებო, ვისაც გჭირდებათ: მიხეილ სააკაშვილის ინიციატივით, ხვალ, 26 მარტს, 13.00 საათზე, პირბადეების, ხელთათმანების და სადეზინფექციო ხსნარების კომპლექტები დარიგდება ზუგდიდში, ცენტრალურ ბულვარში, ზვიად გამსახურდიას ძეგლის წინ. მიბრძანდით და აიღეთ."

განათლების სამინისტრო მშობლებს მიმართავს

საქართველოს განათლებისა და მეცნიერების სამინისტრო კორონავირუსის გამო შექმნილ გამოწვევებთან გამკლავების მიზნით, მშობლებს რეკომენდაციებს სთავაზობს. "სკოლების უმეტესობა დისტანციურ სწავლებაზე გადავიდა. დისტანციურ სამუშაო რეჟიმზე გადაერთო საჯარო და კერძო სექტორიც. შედეგად, მშობლებისა და ბავშვების ყოველდღიური ცხოვრება შეიცვალა. ახალ გამოწვევებთან გამკლავების მიზნით, საქართველოს განათლების, მეცნიერების, კულტურისა და სპორტის სამინისტრო და სსიპ საგანმანათლებლო დაწესებულების მანდატურის...

უკრაინაში საგანგებო მდგომარეობა გამოცხადდა 

მინისტრთა კაბინეტის გადაწყვეტილებით საგანგებო მდგომარეობა, 24 აპრილამდე გაგრძელდება. გარდა ამისა კარანტინი 3 აპრილის ნაცვლად, 24 აპრილამდე გაგრძელდება. საკარანტინო რეჟიმის გამო უკრაინას ჩაკეტილი აქვს საზღვრები, მკაცრად კონტროლდება ქალაქებს შორის გადაადგილებაც. დაიხურა ყველა სავაჭრო მაღაზია, აფთიაქების, სასურსათო მაღიისა და ბენზინგასამართი სადგურები გარდა. უკრაინის ეკლსიამ კი გადაწყვიტა, როკ ღვთისმსახურებას მრევლის გარეშე ჩაატარებს.  

მუნიციპალიტეტის საბავშვო ბაღებში საკვები პროდუქტის გაცემა დაიწყო

ზუგდიდის მუნიციპალიტეტის სკოლამდელ სააღმზრდელო დაწესებულებათა მართვის ცენტრის ინფორმაციით, 62 საბავშვო ბაღის 4 172 აღსაზრდელისთვის საკვები პროდუქტების განაწილება დაიწყო. "აღსაზრდელებისთვის განკუთვნილი 8 სახეობის (შაქარი, პურის ფქვილი, წიწიბურა, ბრინჯი, ზეთი, კარტოფილი, პეჩენია, ვაშლი), არამალფუჭებადი საკვები პროდუქტები, ბაღის აღსაზრდელების მშობლებს შესაბამისი პირობების დაცვითა და უსაფრთხოების წესების გათვალისწინებით საბავშვო ბაღებიდან ურიგდებათ, სადაც აღნიშნული პროცესი...

ზუგდიდში 106 მოქალაქე იმყოფება თვითიზოლაციაში

ზუგდიდის მუნიციპალიტეტის საზოგადოებრივი ჯანდაცვის ცენტრის ინფორმაციით, რეგიონში თვითიზოლაციაში იმყოფება 401 მოქალაქე, ზუგდიდში 106. ამავე ინფორმაციით, თვითიზოლაციიდან მოიხსნა 116 მოქალაქე, ზუგდიდიდან 34 მოქალაქე. რაც შეეხება კარანტინს, რეგიონში კარანტინშია 86 მოქალაქე, ზუგდიდში 40.

პრინც ჩარლზს კორონავირუსი დაუდასტურდა

პრინც ჩარლს კორონავირუსი დაუდასტურდა. ამის შესახებ განცხადება ბუკინგემის სასახლემ გამოაქვეყნა. განცხადების მიხედვით, ის შოტლანდიაში, თვითიზოლაციაში იმყოფება. "უელსის პრინცს კორონავირუსი დაუდასტურდა. მას ჰქონდა სუსტი სიმპტომები, მისი ჯანმრთელობის მდგომარეობა დამაკმაყოფილებელია. უკანასკნელი რამდენიმე დღის განმავლობაში ის სახლიდან აგრძელებს მუშაობას", - წერია განცხადებაში. წყარო

ამ წუთებში, სასულიერო პირები, ზუგდიდის ქუჩებს აკურთხებენ

ამ წუთებში, ეპარქის სასულიერო პირების მიერ მიმდინარეობს ზუგდიდის ქუჩების კურთხევა. კურთხევა გაგრძელდება დღის ბოლომდე. სასულიერი პირები, რამდენიმე ჯგუფად არიან დაყოფილი. ისინი, დღის ბოლომდე ჩავლენ ზუგდიდის მუნიციპალიტეტის სოფლებში და ყველა სოფლის ქუჩებშიც ჩაატარებენ კურთხევის რიტუალს.