ზუგდიდისა და ცაიშის ეპარქია ფეისბუქგვერდზე მრევლს მიმართავს და განცხადებას ავრცელებს: "ხვალ, ზუგდიდის ივერიის ღმრთისმშობლის ხატის სახელობის მშენებარე ტაძარში, წირვა დაიწყება დილის 9 საათზე. გთხოვთ გავითვალისწინოთ დაავადებათა კონტროლის ეროვნული ცენტრის რეკომენდაცია, ეკლესიაში მყოფმა პირებმა დაიცვან დისტანცია."უფალმან ძალი ერსა თვისსა მოსცეს, უფალმან აკურთხოს ერი თვისი მშვიდობით,-ნათქვამია განცხადებაში.
საქართველოს პარლამენტმა დეკრეტი N1 დაამტკიცა
საქართველოს პარლამენტმა, საქართველოს პრეზიდენტის 2020 წლის 21 მარტს გამოცემული N1 დეკრეტი ,,საქართველოს მთელ ტერიტორიაზე საგანგებო მდგომარეობის გამოცხადებასთან დაკავშირებით გასატარებელ ღონისძიებათა შესახებ“ დაამტკიცა. შეგახსენებთ, მთავრობის მიმართვის საფუძველზე, ახალ კორონავირუსთან დაკავშირებით შექმნილი ვითარების გამო, პრეზიდენტმა საქართველოს მთელ ტერიტორიაზე დღეს ერთი თვით, 21 აპრილამდე საგანგებო მდგომარეობა გამოცხადა.
საქართველოს პრეზიდენტმა 2020 წლის 21 მარტს გამოსცა N1 დეკრეტი ,,საქართველოს მთელ ტერიტორიაზე საგანგებო მდგომარეობის გამოცხადებასთან დაკავშირებით გასატარებელ ღონისძიებათა შესახებ“
საქართველოს პრეზიდენტმა 2020 წლის 21 მარტს გამოსცა N1 დეკრეტი "საქართველოს მთელ ტერიტორიაზე საგანგებო მდგომარეობის გამოცხადებასთან დაკავშირებით გასატარებელ ღონისძიებათა შესახებ“. „მუხლი 1. საქართველოს მთელ ტერიტორიაზე საგანგებო მდგომარეობის გამოცხადებასთან დაკავშირებით, ახალი კორონავირუსის (COVID-19) მასობრივი გავრცელების, ქვეყნის წინაშე არსებული მზარდი გამოწვევის გათვალისწინებით, ჯანმრთელობის დაცვის მსოფლიო ორგანიზაციის მიერ გამოცხადებულ პანდემიაზე შესაბამისი რეაგირების მიზნით და იმისათვის, რომ...
პრემიერ მინისტრი: ადამიანებს, რომლებმაც დაკარგეს სამსახური, მაქსიმალურად დავუდგებით გვერდით
პრემიერ მინისტრმა გახარიამ, საგანგებო სიტუაციასთან დაკავშირებით განცხადების გაკეთებისას, ხაზი გაუსვა იმ ადამიანების საკითხს, ვინც ქვეყანაში განვითარებული მოვლენების გამო სამსახური დაკარგეს. „ამიტომ, გარდა იმ გეგმისა, რომელიც მთავრობას უკვე მზად აქვს, ეკონომიკის კონკრეტული სექტორების დასახმარებლად, უახლოეს დღეებში იქნება წარმოდგენილი გეგმა, ჩვენი მოქალაქეების კონკრეტული მიზნობრივი დახმარების თვალსაზრისით, რომელსაც ექნება კონკრეტული, აბსოლუტურად ხელშესახები მიზანი,...
პრემიერ მინისტრი: საგანგებო მდგომარეობა არ ეხება მედიას
კითხვაზე, საგანგებო ვითარების გამოცხადება როგორ აისახება მედიის მუშაობაზე, პრემიერ-მინისტრ გიორგი გახარიას პასუხობს, რომ საგანგებო მდგომარეობა არ ეხება მედიას. „საგანგებო მდგომარეობა, რომელიც გამოცხადებულია ქვეყნის მასშტაბით, არ ეხება მედიას. მედიის მიმართ ერთადერთი მოთხოვნა იქნება დავიცვათ პირადი უსაფრთხოება და ვიზრუნოთ ჩვენს ჯანმრთელობაზე. სხვა შეზღუდვა მედიას არ ეხება", - აღნიშნა გახარიამ
მოსალოდნელია სამედიცინო განათლებისა და უფლებამოსილების მქონე პირთა საყოველთაო მობილიზება
"მთავრობა დაადგენს განათლების შესახებ საქართველოს კანონით დადგენილი წესებისგან განსხვავებულ წესებს და პირობებს. საჭიროების შემთხვევაში მთავრობა შეძლებს, მოახდინოს შესაბამისი სამედიცინო განათლებისა და უფლებამოსილების მქონე პირთა საყოველთაო მობილიზება".-განმარტა პრემიერ მინისტრმა იმ შეზღუდვებზე საუბრისას, რომელივ მოსალოდნელია საგანგებო სიტუაციების დროს. საქართველოს პრეზიდენტმა, ქვეყნის მთელ ტერიტორიაზე, კორონავირუსის პრევენციის მიზნით, საგანგებო მდგომარეობა ოფიციალურად გამოაცხადა
კვების ობიექტებში სავაჭროდ შესულ მოქალაქეთა რაოდენობა შეზღუდულია
კორონავირუსის პრევენციის მიზნით, საქართველოში, საგანგებო მდგომარეობის გამოცხადებისთანავე, უნდა მოხდეს დახურულ სივრცეში ადამიანების რაოდენობის შეზღუდვა. ზუგდიდის კვების ობიექტებში პროდუქტების საყიდლად შესული მოქალაეების რაოდენობის გაკონტროლება უკვე დაიწყო. წესის მიხედვით, აკრძალულია 10 კაცზე მეტის, ერთდროულად, დახურულ ობიექტში შესვლა. ასევე, დანარჩენების რიგში დგომა შესაბამისი დისტანციის დაცვით უნდა მოხდეს.
კორონავირუსის 49-ე შემთხვევა დაფიქსირდა
საქართველოში ამ დროისთვის კორონავირუსით ინფიცირების 49 შემთხვევა დაფიქსირდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე გამოქვეყნდა. ამჟამად კარანტინის რეჟიმში 1966 ადამიანია, ხოლო სტაციონარში მეთვალყურეობას 259 ადამიანი გადის. ინფორმაციისთვის, 49 ადამიანიდან 1 გამოჯანმრთელებულია.
რა უნდა ვიცოდეთ საგანგებო მდგომარეობის შესახებ
2020 წელი თანამედროვე მსოფლიომ ახალ კორონავირუსთან ბრძოლით დაიწყო. ჩინეთში წარმოქმნილმა აქამდე უცნობმა ინფექციურმა დაავადებამ უკვე დედამიწის თითქმის ყველა კონტინენტი მოიცვა. ჯერ გლობალურ საფრთხედ, შემდეგ კი პანდემიად გამოცხადებული ახალი კორონავირუსი რამდენიმე ქვეყანაში საგანგებო მდგომარეობის გამოცხადების მიზეზი გახდა. როდის და რატომ ხდება აუცილებელი ასეთი გადაწყვეტილების მიღება? რას ნიშნავს საგანგებო მდგომარეობა? რა იკრძალება...
საქართველოში კორონავირუსით ინფიცირების შემთხვევათა რაოდენობა 48-მდე გაიზარდა
საქართველოში კორონავირუსით ინფიცირების 48 შემთხვევაა დადასტურებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 1966 ადამიანი, ხოლო სტაციონარში მეთვალყურეობის ქვეშ – 259 პირი.