- დღეს, ზუგდიდის დადიანების სასახლის მიმდებარე ტერიტორიაზე, გაიმართა აუტიზმის სპექტრის ნორჩი შემოქმედის გიგი სიჭინავას საღამო “დაინახე და დააფასე ჩვენი შესაძლებლობები”.
შეხვედრაზე, სტუმრებს მასპინძლობდა თავად გიგი. მან მოწვეულ საზოგადოებას გააცნო თავისი ნამუშევრები.
ესაუბრა მათი შექმნის ისტორიაზე. გააცნო ფერწერული ფაზლები, რომელიც მისი იდეით შეიქმნა და იქვე იმპროვიზირებულად, პატარებს, უჩვენა ფერწერული ფაზლის აწყობის წესები. როგორც გიგის დედამ ნათია სახოკიამ ჟურნალისტებთან საუბარში განაცხადა, ფერწერული ფაზლების გაყიდვით შემოსული თანხა მოხმარდება აუტიზმის ეროვნული ცენტრი მშენებლობას.